#24_ta_masala

Bandixon tumanida deputatlik nazorati: "Quduqsoy" mahallasida soliq xodimi faoliyati tahlil qilindi

Bandixon tumanida O‘zbekiston Respublikasi Prezidentining PF-209-son Farmoni ijrosini ta’minlash hamda deputatlik faoliyatining "24 ta eng muhim yo‘nalishi" doirasida davlat organlarining quyi bo‘g‘inlari faoliyati samaradorligini baholash borasida tizimli ishlar amalga oshirilmoqda.

Xalq deputatlari Bandixon tumani Kengashining 19-Quduqsoy saylov okrugi deputati G.Xolmatova hamda kotibiyat xodimi B.Qurbonov "Quduqsoy" MFYda bo‘lib, mahallaga biriktirilgan soliq xodimining ish faoliyatini o‘rgandi.

Monitoring davomida soliq ma’murchiligini takomillashtirish, yangi biznes sub’ektlarini aniqlash va ularni qonuniy ro‘yxatdan o‘tkazish, aholi o‘rtasida to‘lov madaniyatini oshirish hamda soliq bazasini kengaytirish bo‘yicha amalga oshirilayotgan amaliy chora-tadbirlar tahlil qilindi.

Tashrif yakunida aniqlangan kamchiliklarni bartaraf etish, soliq intizomini kuchaytirish hamda tadbirkorlik tashabbuslarini qo‘llab-quvvatlash yuzasidan mutasaddi xodimga tegishli tavsiya va ko‘rsatmalar berildi.