Xalq deputatlari Qo‘qon shahar Kengashiga 27-“G‘oziyog‘liq” saylov okrugidan saylangan deputat Sh.Rasulova tomonidan “Tug‘onboshi” mahalla fuqarolar yig‘inida fuqarolarning murojaatlari va hududdagi mavjud muammolarni o‘rganish yuzasidan amaliy ishlar olib borildi.

O‘rganish davomida fuqarolarning murojaatlari joyiga chiqqan holda ko‘rib chiqilib, mavjud muammolar, ularning kelib chiqish sabablari hamda qonunchilikda belgilangan tartibda hal etish imkoniyatlari o‘rganildi.

Jumladan, Parpashabof ko‘chasi 165/23-uyda istiqomat qiluvchi II guruh nogironligi bo‘lgan fuqaro M.Rasulovaning uyini ta’mirlash uchun mablag‘ ajratilgani, biroq hozirgi kunga qadar ta’mirlash ishlari amalga oshirilmaganligi haqidagi murojaati joyiga chiqib o‘rganildi.

O‘rganish jarayonida fuqaroning yashash sharoiti, uy-joyning mavjud holati hamda ta’mirlash ishlarini amalga oshirish bilan bog‘liq masalalar ko‘rib chiqildi.

Mazkur masalani ijobiy hal etish maqsadida tegishli mas’ul tashkilotlarga deputatlik so‘rovi yuborish va zarur amaliy choralarni ko‘rish belgilandi.

Xalq deputatlari Qo‘qon shahar Kengashi