#Kengash_qarori_ijrosi
Beruniy mahallasida elektr ta’minoti yaxshilanadi

Xalq deputatlari tuman Kengashining tegishli qaroriga muvofiq, “Infratuzilma va ijtimoiy barqarorlik jamg‘armasi mablag‘lari hisobidan Beruniy mahallasi hududida quvvati 630 kVt bo‘lgan transformator punktini o‘rnatish belgilangan edi.
Mazkur Kengash qarori ijrosi ta’minlanib, bugun Beruniy mahallasi Mustaqillik ko‘chasida joylashgan transformator punkti yangilandi.
🔹 Amalga oshirilgan ishlar tuman Kengashi deputati O.Dadajonova tomonidan nazorat qilindi.
Yangi transformatorning ishga tushirilishi natijasida mahalladagi elektr ta’minoti barqarorlashib, aholiga yanada sifatli elektr energiyasi yetkazib berish imkoniyati kengayadi.

Mahalla ahli uchun muhim bo‘lgan ushbu masalaning ijobiy hal etilgani aholi tomonidan mamnuniyat bilan kutib olindi.

⌛ Kengashning rasmiy sahifalarini kuzatib boring. ⬇️
✅ Telegram |✅ Facebook | 🎬 YouTube | 📱 Instagram |🌐 E-Kengash.uz