Xalq deputatlari Tuproqqalʼa tumani Kengashi kotibiyat mudiri Xushnudbek Romanberganovich Sultonov «Sayopir» mahallasi yoshlar yetakchisi Temurbek Sotiboldiyevning ish faoliyati samaradorligini o‘rgandi.
O‘rganish davomida mahallada yoshlar bilan ishlash, ularni tadbirkorlikka jalb qilish, kasb-hunarga o‘qitish, bandligini taʼminlash, shuningdek, yoshlar o‘rtasida jinoyatchilikning oldini olish va uning profilaktikasi bo‘yicha amalga oshirilayotgan ishlar tahlil qilindi.
Shuningdek, mazkur yo‘nalishlarda samaradorlikni oshirishda mahalla yettiligi bilan o‘zaro hamkorlikni yana-da kuchaytirish, yoshlarning muammolarini aniqlash va ularni manzilli hal etish masalalariga alohida eʼtibor qaratildi.
Kengash kotibiyat mudiri tomonidan yoshlar bilan ishlash tizimini yana-da takomillashtirish, mahalla yettiligi bilan hamkorlikni yuqori bosqichga ko‘tarish hamda belgilangan vazifalar ijrosini taʼminlash yuzasidan bir qator taklif va tavsiyalar bildirildi.