Uzun tumanida korrupsiyaga qarshi kurashish borasidagi ishlar muhokama qilindi

Uzun tumanida korrupsiyaga qarshi kurashish borasidagi chora-tadbirlar ijrosini ta’minlash hamda qonuniylikni mustahkamlashga bag'ishlangan yig'ilish bo'lib o'tdi.

Yig'ilishni Uzun tumani Korrupsiyaga qarshi kurashish komissiyasi raisi Dilorom Safarova kirish so'zi bilan ochib berdi.

Shundan so'ng komissiya a’zolari ishtirokida tuman prokurori hamda tuman IIB boshlig'ining bu borada amalga oshirilgan ishlari yuzasidan axborotlari tinglandi.

Tadbir davomida quyidagi masalalarga alohida e’tibor qaratildi:
Korrupsiyaviy holatlarning oldini olish va ularga qarshi murosasiz muhitni yaratish;
Huquq-tartibot idoralari va jamoatchilik vakillari o'rtasidagi hamkorlikni yanada kuchaytirish;
Aholining huquqiy savodxonligini oshirish va korrupsiyaga nisbatan murosasizlik tuyg'usini singdirish.

Yig'ilish yakunida belgilangan vazifalar ijrosini ta’minlash yuzasidan tegishli chora-tadbirlar belgilab olindi.