🇺🇿Nuroniy ustozlar bilan samimiy davra suhbati

​✍️ 1-oktabr — O‘qituvchi va murabbiylar kuni munosabati bilan Surxondaryo viloyati Maktabgacha va maktab ta’limi boshqarmasi boshlig‘i Bekzod Tashpulatov ko‘p yillar davomida ta’lim sohasida samarali faoliyat yuritgan bir guruh nuroniy ustozlar bilan davra suhbati o‘tkazdi.

​💬 Suhbat davomida ustozlarning ta’lim tizimida orttirgan ko‘p yillik tajribasi, yosh avlod tarbiyasidagi xizmatlari va bugungi ta’lim jarayonida ularning hayotiy tajribasi hamda qimmatli maslahatlari muhim ekani alohida ta’kidlandi.

​Shuningdek, ushbu qutlug‘ bayram tadbiriga Xalq deputatlari Uzun tumani Kengashi deputati Mastura Mamurjonova ham taklif etilib, nuroniy ustozlarni samimiy muborakbod etdi hamda ularning mashaqqatli va sharafli mehnatlariga yuksak ehtirom bildirdi.