🛗 Ko‘p qavatli uylardagi liftlarning ishlash holati o‘rganildi

📍 Xalq deputatlari O‘rta Chirchiq tuman Kengashi deputati B.Baxovadinov tomonidan hududdagi ko‘p qavatli uy-joylarda o‘rnatilgan liftlarning texnik va amaldagi foydalanish holati joyiga chiqqan holda o‘rganildi.

🔎 O‘rganish davomida liftlarning uzluksiz va xavfsiz ishlashi, texnik sozligi, sanitariya holati hamda yoritish tizimining holatiga alohida e’tibor qaratildi.

📞Liftlarda nosozliklar yuzaga kelganda dispetcherlik xizmatining faoliyati, murojaatlarni qabul qilish va ularni bartaraf etish tezkorligi o‘rganildi.

📄 Bundan tashqari, liftlarning belgilangan tartibda texnik ko‘rikdan o‘tkazilganligi, texnik xizmat ko‘rsatuvchi mas’ul tashkilotlarning majburiyatlari va aholiga ko‘rsatilayotgan xizmatlar sifati ko‘zdan kechirildi.

🤝 O‘rganish yakunlari bo‘yicha liftlardan xavfsiz va samarali foydalanishni ta’minlash, aniqlangan kamchiliklarni bartaraf etish hamda aholiga qulay sharoit yaratish yuzasidan tegishli tavsiya va takliflar bildirildi.

✅ Xalq deputatlari O‘rta Chirchiq tuman Kengashi kotibiyati axborot xizmati