Xalq deputatlari Oltinsoy tumani Kengashining tasdiqlangan ish rejasiga muvofiq hamda deputatlarning nazorat-tahlil faoliyati doirasida 11-“Guliston” saylov okrugidan saylangan deputat Azamat Karamatovich Mamatmuratov va tuman Kengashi kotibiyati mudiri Musurmon Abduraxmonovich Xujanovlar tomonidan 50-sonli umumta’lim maktabi kutubxonasida o‘rganish va nazorat-tahlil tadbiri o‘tkazildi.

Мas’ullar maktab kutubxonasidagi kitob fondining saqlanishi, o‘quvchilarning kitobxonlik kartochkalari va hisobot hujjatlarining yuritilishi, elektron kutubxona hamda QR-kodli tizimdan foydalanish holatini atrofli ko‘zdan kechirishdi.

O‘rganish yakunida maktab ma’muriyati va kutubxona mas’ullariga o‘quvchilar o‘rtasida kitobxonlik madaniyatini yanada yuksaltirish, kitob fondini boyitish va sohadagi hujjatlar yuritilishini tartibga solish bo‘yicha tegishli tavsiya va ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz