Baynalminal” MFYda yong‘in oqibatida zarar ko‘rgan xonadon holati o‘rganildi

Xalq deputatlari Namangan shahar Kengashi kotibiyati mudiri N.Ubaydullayev, Xalq deputatlari Namangan shahar Kengashining deputati Sh.Sodiqov hamda Namangan shahridagi “Inson” ijtimoiy xizmatlar markazi direktori M.Ortiqova tomonidan “Baynalminal” MFYda yong‘in oqibatida zarar ko‘rgan xonadon holati o‘rganildi.

Tashrif davomida yong‘in natijasida yetkazilgan zarar va xonadonning hozirgi holati ko‘zdan kechirildi. Oilaga amaliy yordam ko‘rsatish, uy-joyni tiklash hamda zarur ijtimoiy qo‘llab-quvvatlash choralarini ko‘rish masalalari muhokama qilindi.

Mas’ullarga ushbu oilaga manzilli yordam ko‘rsatish va muammoni tezkor hal etish bo‘yicha tegishli topshiriqlar berildi.