#Doimiy_komissiya_faoliyatidan
🏛 SAYLOVCHILAR MUAMMOLARI E’TIBORDA

Xalq deputatlari Sherobod tumani Kengashining Reglament va deputatlik odob-axloqi qoidalari masalalari bo‘yicha doimiy komissiyasi raisi, 21-“G‘urjak” saylov okrugi deputati Z.Eshmurodova tomonidan “Qulluqsho” mahallasida yashovchi saylovchilar bilan individual uchrashuvlar o‘tkazilib, ularning murojaatlari va muammolari atroflicha o‘rganildi.

🗣 Ochiq muloqot davomida fuqarolar o‘zlarini qiynayotgan masalalar, taklif va istaklarini bildirdilar. Har bir murojaatga alohida e’tibor qaratilib, muammolarning kelib chiqish sabablari va ularni bartaraf etish imkoniyatlari muhokama qilindi.

🤝 O‘rganish jarayonida aniqlangan masalalarni tegishli tashkilotlar bilan hamkorlikda hal etish, fuqarolarga amaliy yordam ko‘rsatish hamda murojaatlarning ijrosini nazoratga olish bo‘yicha tegishli choralar belgilandi.

📌 Deputat tomonidan saylovchilar bilan muntazam muloqot olib borish, ularning muammolarini joyiga chiqqan holda o‘rganish va qonuniy manfaatlarini ta’minlashga ko‘maklashish borasidagi ishlar izchil davom ettirilmoqda.

Xalq bilan muloqot — muammoni hal etishning muhim omilidir!

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube