JINOYATCHILIKNING OLDINI OLISH BO‘YICHA ISHLAR O‘RGANILDI

Xalq deputatlari Termiz tuman Kengashi 8-Tajribakor saylov okrugi deputati A. Avliyakulov saylangan M. Eshtemirov MFY hududida “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 2-bandi ijrosi yuzasidan o‘rganish ishlari olib borildi.

O‘rganish jarayonida mutaxassis T. Murodov tomonidan hududdagi jinoyatchilikka qarshi kurashish va huquqbuzarliklarning oldini olish borasida amalga oshirilayotgan ishlar ko‘rib chiqildi.

Ta’kidlash joizki, M. Eshtemirov MFY “yashil” toifadagi hudud hisoblanadi. O‘rganishda mahallada tinchlik va osoyishtalikni ta’minlash, jinoyatchilikning oldini olish, profilaktik tadbirlarni kuchaytirish hamda mavjud ijobiy holatni saqlab qolish bo‘yicha amalga oshirilayotgan ishlarning samaradorligiga alohida e’tibor qaratildi.

O‘rganish yakunida hududdagi osoyishtalikni yanada mustahkamlash va jinoyatchilikning oldini olish borasidagi ishlarni izchil davom ettirish yuzasidan tegishli tavsiya va takliflar berildi