O‘rganish davomida Bog‘ot tuman irrigatsiya bo‘limi hisobida 162,6 km uzunlikdagi xo‘jaliklararo kanallar hamda 296 ta gidrotexnik inshoot mavjudligi qayd etildi.

2026–2027-yillar davomida jami 32,4 km uzunlikdagi xo‘jaliklararo kanallarni loyqadan tozalash 97,7 ming m³ tuproq ishlarini amalga oshirish uchun 575,2 mln so‘m mablag‘ rejalashtirilgan.

Shuningdek, kanallardagi 28 ta gidrotexnik inshootni 256,0 mln so‘m hamda 15 ta gidropostni 23,0 mln so‘m mablag‘ hisobidan ta’mirlash ko‘zda tutilgan.

Sentabr oyida xo‘jaliklararo kanallarni loyqadan tozalash bo‘yicha grafik reja 6,7 km etib belgilangan bo‘lib, amalda 4,8 km kanal tozalandi.

Ichki sug‘orish tarmoqlarini mexanizmlar yordamida loyqadan tozalash bo‘yicha sentabr oyiga belgilangan 8,4 km reja to‘liq bajarildi. Hozirda hududlarda loyqadan tozalash ishlari davom ettirilmoqda.

Uchrashuv yakunida kelgusida amalga oshirilishi belgilangan vazifalar ijrosini ta’minlash, mavjud muammolarni bartaraf etish hamda deputatlik nazoratini kuchaytirish bo‘yicha kelishib olindi.