Hududda chiqindilarni olib chiqish holati o‘rganildi

Xalq deputatlari Namangan shahar Kengashining 3-Yangi qurilish okrugi deputati Z. Sapaev tomonidan “Chaman” mahalla fuqarolar yig‘inida chiqindilarni o‘z vaqtida olib chiqish holati o‘rganildi.

O‘rganish jarayonida hududda maishiy chiqindilarni yig‘ish va olib chiqish tizimining amaldagi holati, xizmat ko‘rsatish sifati, maxsus texnikalarning yetarliligi hamda belgilangan jadval asosida ishlash darajasi tahlil qilindi.

Shuningdek, aholi tomonidan bildirilayotgan murojaatlar, mavjud muammo va kamchiliklar o‘rganilib, ularni bartaraf etish, sanitariya holatini yaxshilash hamda xizmatlar samaradorligini oshirish yuzasidan tegishli taklif va tavsiyalar ishlab chiqildi. Mas’ul tashkilotlarga aniq topshiriqlar berilib, nazorat kuchaytirilishi belgilandi.