Maktab kutubxonasining faoliyati o‘rganildi

Xalq deputatlari Termiz tuman Kengashi 2-Yangi O‘zbekiston saylov okrugi deputati O‘.Omonov saylangan Yangi obod MFU hududidagi 34-sonli umumiy o‘rta ta’lim maktabida o‘quvchilar uchun yaratilgan shart-sharoitlar, jumladan, maktab kutubxonasining holati va faoliyati o‘rganildi.

O‘rganish ishlari tuman Kengashi mutaxassisi A.Abdullayeva tomonidan amalga oshirilib, kutubxonadagi mavjud adabiyotlar, o‘quvchilarning kitobxonlikka bo‘lgan qiziqishini oshirish uchun yaratilgan imkoniyatlar hamda kutubxonadan foydalanish holatiga e’tibor qaratildi.

Mazkur maktabda 560 nafar o‘quvchi, jumladan, 278 nafar o‘g‘il va 282 nafar qiz tahsil olmoqda. O‘quvchilarning bo‘sh vaqtini mazmunli tashkil etish, kitobxonlik madaniyatini rivojlantirish va bilim olishga bo‘lgan qiziqishini oshirish borasidagi imkoniyatlar ko‘zdan kechirildi.

Zamonaviy va boy kutubxona — bilimli, ma’rifatli yoshlar tarbiyasining muhim maskani bo‘lib, bu kabi sharoitlar “Yangi O‘zbekiston” qiyofasini ta’lim muassasalarida amalda aks ettirishga xizmat qiladi.