Maktabning kuz-qish mavsumiga tayyorgarligi o‘rganildi

Xalq deputatlari Termiz tuman Kengashi kotibiyati mudiri A.Avliyakulov tomonidan 10-Yangiyo‘l saylov okrugi deputati R.Shamanov saylangan Qo‘ng‘irot MFYdagi 8-sonli umumta’lim maktabida “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida kuz-qish mavsumiga tayyorgarlik holati o‘rganildi.

O‘rganish davomida maktab binosining kuz-qish mavsumida foydalanishga tayyorligi, isitish tizimining holati, issiqlik ta’minoti, elektr energiyasi bilan ta’minlanganlik, shuningdek, sinfxonalarda o‘quvchilar uchun zarur shart-sharoitlar yaratilgani ko‘zdan kechirildi.

Shuningdek, mavjud muammolarni aniqlash, ularni mavsum boshlangunga qadar bartaraf etish hamda ta’lim muassasasida o‘quvchilar va pedagoglar uchun qulay sharoitlarni ta’minlash yuzasidan mas’ullarga tegishli tavsiya va ko‘rsatmalar berildi.

O‘rganish natijalari deputatlik nazoratiga olinib, aniqlangan kamchiliklarni bartaraf etish bo‘yicha tegishli vazifalar belgilandi.