DOIMIY KOMISSIYA YIG‘ILISHIDA SAVOL-JAVOB
EKOLOGIYA YO‘NALISHIDAGI O‘RGANISH NATIJALARI MUHOKAMA QILINDI

Xalq deputatlari tuman Kengashi huzuridagi Agrar, suv xo‘jaligi va ekologiya masalalari bo‘yicha doimiy komissiya, Kengash raisi hamda deputatlardan tuzilgan ishchi guruh tomonidan “Ekologik nazorat to‘g‘risida”gi O‘zbekiston Respublikasi Qonuni hamda O‘zbekiston Respublikasi Prezidentining 2025-yil 15-maydagi PQ-184-son qarori ijrosi yuzasidan tuman Ekologiya va iqlim o‘zgarishi bo‘limida o‘rganish o‘tkazildi.

O‘rganish yakunlari bo‘yicha o‘tkazilgan yig‘ilishda tumanda daraxtlarni muhofaza qilish ko‘rsatkichi pastligi, shuningdek, ekilayotgan ko‘chatlarni sug‘orish tizimida kamchiliklar mavjudligi qayd etildi.

Yig‘ilish davomida aniqlangan kamchiliklarni bartaraf etish va ekologik nazoratni kuchaytirish yuzasidan tegishli vazifalar belgilab olindi.

🇺🇿Xalq deputatlari Oqoltin tumani Kengashi kotibiyati.