ISHCHI GURUH FAOLIYATI O‘RGANILDI
📍 Xalq deputatlari Pastdarg‘om tumani Kengashi deputati N. Aliyev hamda Kengash kotibiyati bosh mutaxassisi E. Turayev tomonidan Beklar mahallasida ishsizlik va kambag‘allikni qisqartirish, ijtimoiy xizmatlar ko‘rsatish hamda ijtimoiy infratuzilma loyihalarini amalga oshirish bo‘yicha tuzilgan ishchi guruh faoliyati yuzasidan suhbat o‘tkazildi.
🔎 Suhbat davomida ishchi guruh a’zolarining mahalladagi aholi bilan ishlash jarayoni, ishsiz fuqarolarni aniqlash, ularning bandligini ta’minlash, ijtimoiy ko‘makka muhtoj oilalarni qo‘llab-quvvatlash hamda mavjud muammolarni manzilli hal etish borasidagi ishlari muhokama qilindi.
📋 Shuningdek, mahallada amalga oshirilishi rejalashtirilgan ijtimoiy infratuzilma loyihalari, ularning ijrosi va mavjud muammolar yuzasidan fikr almashildi.
📌 Ishchi guruh faoliyatini yanada samarali tashkil etish, har bir xonadon bilan manzilli ishlash va aniqlangan muammolarni mas’ul tashkilotlar bilan hamkorlikda hal etish bo‘yicha tegishli tavsiyalar berildi.