Xalq deputatlari Oltinsoy tumani Kengashi raisi, 22-“Mingchinor” saylov okrugidan saylangan deputat Turdiyev Akrom Abdimuratovich boshchiligidagi ishchi guruh tomonidan “Hayrondara” mahallasida joylashgan 28-sonli davlat maktabgacha ta’lim tashkilotida kuz-qish mavsumiga tayyorgarlik holati deputatlik nazorati tartibida o‘rganildi.

O‘rganish jarayonida Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tuman Kengash kotibiyati mudiri M.Xujanov, Xalq deputatlari tuman Kengashi deputati Hakimov Yusuf Muhammadievich hamda kotibiyat bosh mutaxassislari A.Esanov va I.Roziqovlar ishtirok etdilar.

Ishchi guruh tomonidan taʼlim muassasining isitish tizimi, qozonxona holati, yoqilg‘i zaxirasi hamda mavsumga tayyorgarlik doirasida amalga oshirilgan ishlar joyida ko‘zdan kechirilib, aniqlangan kamchiliklarni bartaraf etish yuzasidan mas’ullarga tegishli tavsiya va ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz