#ekspert_guruhi_faoliyati
#kotibiyat_xodimi_faoliyati
#nazorat_tahlil

Xotin-qizlar bandligini ta’minlash bo‘yicha ishlar o‘rganildi

Xalq deputatlari tuman Kengashi huzuridagi Ekspert guruhi a’zolari hamda tuman Kengashi kotibiyati bosh mutaxassisi A. Mamarajabov tuman Oila va xotin-qizlar bo‘limida bo‘lib, amalga oshirilayotgan ishlar yuzasidan o‘rganish olib bordilar.

O‘rganish davomida xotin-qizlarni ish bilan ta’minlash, ularni kasb-hunarga o‘rgatish, tadbirkorlik faoliyatiga jalb etish, mehnat bozorida talab yuqori bo‘lgan kasblarga yo‘naltirish hamda bandligini ta’minlash orqali daromadlarini oshirish borasida amalga oshirilayotgan ishlar holatiga e’tibor qaratildi.

Shuningdek, ishsiz va bandligi ta’minlanmagan xotin-qizlarni aniqlash, ularni mavjud bo‘sh ish o‘rinlariga yo‘naltirish, kasb-hunar va tadbirkorlikka o‘qitish, imtiyozli kredit va boshqa qo‘llab-quvvatlash imkoniyatlaridan foydalanish bo‘yicha olib borilayotgan ishlar o‘rganildi.

O‘rganish yakunlari bo‘yicha aniqlangan masalalarni bartaraf etish hamda xotin-qizlar bandligini ta’minlashga qaratilgan ishlarni yanada kuchaytirish yuzasidan tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram