Xalq deputatlari Qo‘qon shahar Kengashi deputati X.Nazarova tomonidan o‘z saylov okrugi hududida joylashgan “At-Termiziy” mahalla fuqarolar yig‘inida aholi xonadonlaridagi ijtimoiy va iqtisodiy holatni o‘rganish, fuqarolarning muammolari hamda takliflarini aniqlash maqsadida xonadonlarga tashrif amalga oshirildi.

Jumladan, Bog‘i Rahmat ko‘chasi, 20-A-uyda yashovchi M.Mamajonovaning xonadonida oilaning mavjud holati va ehtiyojlari o‘rganildi.

O‘rganish davomida oila a’zosi D.Mamajonov bilan Xalq deputatlari Qo‘qon shahar Kengashi kotibiyati mudiri A.Nosirov tomonidan suhbat o‘tkazildi. Suhbat jarayonida fuqaro tadbirkorlik faoliyati bilan shug‘ullanish istagini bildirib, o‘z tashabbusini amalga oshirish uchun moliyaviy ko‘makka ehtiyoji borligini ma’lum qildi.

Fuqaroning tadbirkorlik tashabbusini qo‘llab-quvvatlash maqsadida mahalla hokim yordamchisi bilan hamkorlikda masala o‘rganilib, unga imtiyozli kredit ajratish masalasi hal etildi.

Mazkur amaliy ko‘mak orqali fuqaroning tadbirkorlik faoliyatini yo‘lga qo‘yishi, o‘zining doimiy daromad manbasini shakllantirishi hamda oilaviy daromadini oshirishiga imkoniyat yaratildi.

Xalq deputatlari Qo‘qon shahar Kengashi