Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal-demokratik partiyasidan saylangan deputat D.Bimurzayev tomonidan tumanning “Qoraboy” mahallasiga biriktirilgan yoshlar yetakchisi E.Anuarova faoliyati o‘rganildi.

🔻O‘rganish davomida mahallada istiqomat qiluvchi yoshlar bilan ishlash, ularning muammolarini aniqlash, ishsiz yoshlarni bandligini ta’minlash, kasb-hunar o‘rganishiga ko‘maklashish hamda daromadli mehnat faoliyatiga jalb etish bo‘yicha olib borilayotgan ishlar tahlil qilindi. Xususan, ishlash istagida bo‘lgan yoshlarni aniqlash, ularning qiziqishi va qobiliyatidan kelib chiqib, munosib ish o‘rinlariga yo‘naltirish, kasb-hunarga o‘qitish va o‘zini o‘zi band qilish imkoniyatlaridan foydalanish masalalariga e’tibor qaratilmoqda.

🔻Shuningdek, tadbirkorlik faoliyatini boshlash istagida bo‘lgan yoshlarga mavjud imkoniyatlar, imtiyoz va qo‘llab-quvvatlash mexanizmlari haqida tushuntirishlar berish, ularni tegishli dasturlarga jalb etish hamda yangi daromad manbalarini yaratishiga ko‘maklashish muhim vazifalardan ekani ta’kidlandi. O‘rganish jarayonida yoshlar yetakchisining har bir ishsiz yosh bilan manzilli ish olib borishi, ularning bandligini ta’minlashga to‘sqinlik qilayotgan muammolarni aniqlashi va ularni hal etish bo‘yicha mas’ul tashkilotlar bilan hamkorlikni kuchaytirishi zarurligi qayd etildi.

🔻Deputat tomonidan yoshlar bandligini ta’minlash bilan bir qatorda, ularning bo‘sh vaqtini mazmunli tashkil etish, sport va to‘garaklarga jalb qilish, kasbiy ko‘nikmalarini rivojlantirish hamda tadbirkorlik tashabbuslarini qo‘llab-quvvatlash bo‘yicha tegishli tavsiyalar berildi.