#deputat_tashabbusi #deputatlar_nazorati #poytaxtdeputatlari #deputatlik_faoliyati

❗️ "Inson qadri har narsadan ustun" tamoyili amalda — deputatlar nuroniylar holidan xabar oldi

🏛 Muhtaram Prezidentimiz tomonidan ilgari surilgan "Inson qadri har narsadan ustun" tamoyili asosida aholini ijtimoiy qo‘llab-quvvatlash, ayniqsa, nuroniylar, faxriylar va ehtiyojmand fuqarolarga g‘amxo‘rlik ko‘rsatish borasidagi ezgu tashabbuslar izchil davom ettirilmoqda.

📝 Shu munosabat bilan Xalq deputatlari Toshkent shahar Kengashi deputati Frangiza Akramova hamda O‘zbekiston "Adolat" SDP Olmazor tuman Kengashi raisi, Xalq deputatlari Olmazor tuman Kengashi deputati Umida Fayziyeva hamkorligida "Ayol qadri" loyihasi doirasida ijtimoiy ko‘makka muhtoj nuroniylar va faxriylar holidan xabar olindi.

🔺 Tadbir davomida keksa avlod vakillari bilan samimiy suhbatlar o‘tkazilib, ularning yashash sharoiti, salomatligi, kundalik ehtiyojlari hamda ijtimoiy masalalari o‘rganildi. Yoshi ulug‘ insonlarning jamiyat taraqqiyoti yo‘lidagi ko‘p yillik fidokorona mehnati va hayotiy tajribasi yuksak e’tirof etilib, ularga mehr-oqibat va e’tibor ramzi sifatida esdalik sovg‘alari topshirildi.

🔎 Muloqot davomida xotin-qizlarning huquq va manfaatlarini ta’minlash, ijtimoiy himoyaga muhtoj oilalarni qo‘llab-quvvatlash, mahallalarda xotin-qizlar faollari hamda ijtimoiy xodimlar faoliyati samaradorligini oshirish, fuqarolarning ijtimoiy himoyasini kuchaytirish masalalariga alohida e’tibor qaratildi. Bu yo‘nalishlar mahalliy Kengash deputatlari faoliyatining ustuvor vazifalaridan biri hisoblanadi.

📝 Tadbir doirasida Xalq deputatlari Toshkent shahar Kengashi deputati Frangiza Akramova tomonidan xotin-qizlar va oilani qo‘llab-quvvatlashga qaratilgan qonunchilikning mazmun-mohiyati ham targ‘ib qilinib, xususan:

🔺 "Xotin-qizlar va erkaklar uchun teng huquq hamda imkoniyatlar kafolatlari to‘g‘risida"gi Qonun;

🔺 "Xotin-qizlarni tazyiq va zo‘ravonlikdan himoya qilish to‘g‘risida"gi Qonun;

🔺 "Fuqarolarning reproduktiv salomatligini saqlash to‘g‘risida"gi Qonunning mazmuni va amaliy ahamiyati yuzasidan tushuntirishlar berildi.

💬 Deputat Frangiza Akramova fuqarolar bilan ochiq muloqot qilib, ularning taklif va murojaatlarini tingladi hamda bildirilgan masalalarni tegishli tartibda ko‘rib chiqish va ularning yechimiga ko‘maklashish yuzasidan zarur choralar ko‘rilishini ta’kidladi.

💡 Bunday insonparvarlik tadbirlari jamiyatda mehr-oqibat, ijtimoiy birdamlik va o‘zaro g‘amxo‘rlik muhitini mustahkamlash, nuroniylarni e’zozlash hamda xotin-qizlarning huquq va manfaatlarini ishonchli himoya qilishga xizmat qilmoqda.

📱 Telegram 📱 Instagram 📱 Facebook 📱 YouTube 🔎 E-kengash