Xalq deputatlari Paxtakor tumani Kengashi deputati K.Mamanova Suvonobod mahallasida bo‘lib, aholini uzoq vaqtdan buyon qiynab kelayotgan oqava suv tizimi bilan bog‘liq muammolarni joyiga chiqib o‘rgandi.

O‘rganish davomida oqava suv tarmoqlarining holati ko‘zdan kechirilib, mavjud nosozliklar sabab yuzaga kelayotgan noqulayliklar hamda fuqarolarning murojaat va takliflari tinglandi. Shuningdek, mazkur muammoning aholi turmushiga ta’siri yuzasidan mas’ul mutaxassislar ishtirokida muhokamalar olib borildi.

Deputat tomonidan masalani bartaraf etish yuzasidan tegishli tashkilotlar bilan hamkorlikda amaliy choralar ko‘rish, oqava suv tizimini tartibga keltirish va murojaatlar ijrosini qat’iy nazoratga olish bo‘yicha tegishli tavsiyalar berildi.