Mas’ullar mahalladagi Mirzo Ulug‘bek ko‘chasida bo‘lib, u yerda istiqomat qiluvchi aholi vakillari bilan samimiy suhbat o‘tkazdi va ko‘chaning infratuzilma holatini ko‘zdan kechirdi.

Muloqotlar davomida ko‘cha ahli tomonidan uzoq vaqtdan buyon qiynab kelayotgan eng asosiy muammo — tungi yoritish chiroqlarining yo‘qligi ko‘tarildi.

Ko‘chaning tunda qorong‘u bo‘lishi aholining, ayniqsa, keksalar, ayollar va kechki smenada o‘qiydigan maktab o‘quvchilarining erkin va xavfsiz harakatlanishiga jiddiy to‘sqinlik qilayotgani, shuningdek, hudud xavfsizligiga salbiy ta'sir ko‘rsatayotgani ta’kidlandi.

Muammo "Deputat daftari"da va tezkor choralar belgilandi:

Mirzo Ulug‘bek ko‘chasidagi ushbu holat va aholining haqli murojaati deputatlar tomonidan atroflicha muhokama qilindi.

1. Mazkur dolzarb muammo deputat M.Sidiqovaning shaxsiy murojaatlar daftariga qat’iy nazoratga olish uchun batafsil qayd etildi;

2. Ko‘chaga qisqa fursatlarda zamonaviy, energiya tejamkor tungi yoritish chiroqlarini o‘rnatish va tarmoq tortish ishlarini amalga oshirish maqsadida shahar elektr tarmoqlari korxonasi hamda shahar Obodonlashtirish boshqarmasiga rasmiy deputatlik so‘rovi yuborilishi belgilab olindi.

"Mirzo Ulug‘bek ko‘chasi aholisining murojaati mutlaqo o‘rinli. Tungi yoritish chiroqlarining yo‘qligi nafaqat noqulaylik tug‘diradi, balki xavfsizlik nuqtai nazaridan ham xavflidir. Biz ushbu masalani mutasaddi tashkilotlar bilan hamkorlikda eng qisqa muddatlarda hal etamiz. Ko'chaga birinchi chiroq o'rnatilib, yo'llar nurafshon bo'lmaguniga qadar jarayonni shaxsan nazoratimda saqlayman," — deya ta'kidladi okrug deputati