️Xalq deputatlari Jondor tumani Kengashi kotibiyati bosh mutaxassislari J.Norov va R.Murodovlar hamkorligida "Madat" nodavlat notijorat tashkilotining faoliyati hamda aholiga ko‘rsatilayotgan bepul birlamchi huquqiy yordam holati o‘rganildi.
➡️O‘rganish davomida fuqarolarning huquqiy maslahat olish imkoniyatlari, murojaatlarni qabul qilish va ko‘rib chiqish tartibi, huquqiy xizmatlar ko‘rsatish sifati hamda aholining huquqiy xabardorligini oshirishga qaratilgan tadbirlar tahlil qilindi.
➡️Shuningdek, murojaatchilarga huquqiy yordam ko‘rsatishda qonunchilik talablariga rioya etilishi, huquqiy maslahatlarning tezkorligi va samaradorligiga alohida e’tibor qaratildi. O‘rganish natijalariga ko‘ra, aniqlangan holatlar yuzasidan tegishli taklif va tavsiyalar ishlab chiqilib, aholiga sifatli va manzilli huquqiy xizmatlar ko‘rsatishni yanada takomillashtirish bo‘yicha vazifalar belgilab olindi.
➡️Xalq deputatlari Jondor tumani Kengashi tomonidan aholining huquq va qonuniy manfaatlarini ta’minlash, huquqiy yordamdan foydalanish imkoniyatlarini kengaytirish hamda davlat va nodavlat tashkilotlari o‘rtasidagi hamkorlikni mustahkamlashga qaratilgan ishlar izchil davom ettirilmoqda.