Uchrashuv davomida fuqarolar tomonidan hududdagi mavjud muammolar, jumladan ichki yo‘llar holati, kommunal xizmatlar sifati, yo‘l harakati xavfsizligini ta’minlash hamda yo‘l belgilari o‘rnatish bilan bog‘liq masalalar yuzasidan murojaatlar bildirildi.

Deputat tomonidan mahalladagi muammolar joyiga chiqqan holda o‘rganilib, umumiy hisobda 10 dan ortiq dolzarb masalalar mavjudligi aniqlandi.

Jumladan, Guliston ko‘chasida istiqomat qiluvchi fuqaro A. Ibrohimov transport vositalari harakati yuqori bo‘lganligi sababli ko‘chaga tegishli yo‘l belgilari va ogohlantiruvchi vositalarni o‘rnatish zarurligini ma’lum qildi.

Ko‘tarilgan murojaatlar yuzasidan tegishli tashkilotlarga deputatlik so‘rovlari yuborish hamda muammolarni bosqichma-bosqich hal etish bo‘yicha amaliy choralar belgilandi.

Aholi bilan ochiq muloqot qilish, ularni qiynayotgan masalalarni joyida o‘rganish va yechim topish deputatlik faoliyatining ustuvor yo‘nalishlaridan biridir.