Xalq deputatlari Shirin shahar Kengashi kotibiyati mudiri Mastura Salimova tomonidan Mirzo Ulug‘bek mahallasida aholining ijtimoiy ehtiyojmand qatlamlariga ko‘rsatilayotgan xizmatlar holati o‘rganildi.

O‘rganish jarayonida ijtimoiy himoy muhtoj oilalarga ijtimoiy nafaqalar hamda moddiy yordamlarni tayinlash va to‘lash ishlari, ushbu jarayonlarning qonunchilik talablariga muvofiq va shaffof tashkil etilishi masalalariga alohida e’tibor qaratildi.

Shuningdek, ijtimoiy himoyaga muhtoj fuqarolarga ko‘rsatilayotgan xizmatlarning sifati, manzilliligi va samaradorligi yuzasidan mas’ul mutaxassislar faoliyati bilan tanishilib, mavjud holat tahlil qilindi.

Fuqarolarning ijtimoiy himoyasini kuchaytirish, ularga ko‘rsatilayotgan xizmatlar sifatini yanada oshirish hamda davlat tomonidan ajratilayotgan yordamlarning o‘z egalariga o‘z vaqtida yetib borishini ta’minlash borasidagi ishlar doimiy nazoratda bo‘lishi ta’kidlandi.