Sessiyada kun tartibidagi uchinchi masala — Tumanda aholining hayot kechirishiga salbiy ta’sir ko‘rsatayotgan ijtimoiy-iqtisodiy, tashkiliy-amaliy va infratuzilmaviy muammolarni bartaraf etishga qaratilgan chora-tadbirlarga mablag‘ ajratish to‘g‘risidagi masala ham atroflicha muhokama qilindi.
Ushbu masala yuzasidan Zarbdor tumani “Inson” ijtimoiy xizmatlar markazi direktori Z.Mullajonov hisobot berdi.
Hisobotda qayd etilganidek:
Qonuniy asos: O‘zbekiston Respublikasi Prezidentining 2025-yil 30-janvardagi PF-17-sonli farmoniga muvofiq, “Infratuzilma va ijtimoiy barqarorlik” jamg‘armasi mablag‘larini yo‘naltirish to‘g‘ridan-to‘g‘ri xalq deputatlari tuman Kengashi qarori asosida amalga oshirilishi qat’iy belgilangan.
Moliyalashtirish maqsadi: O‘tgan muborak Qurbon hayiti munosabati bilan tumandagi ehtiyojmand aholini qo‘llab-quvvatlash maqsadida tarqatilgan oziq-ovqat paketlari uchun mablag‘larni o‘tkazib berish zarurati yuzaga kelgan.
Ajratilgan mablag‘ va qamrov: Tumandagi 551 nafar Ijtimoiy reyestrning “davlat ta’minotidagi oila” toifasiga kiritilgan oilalar, o‘zgalar parvarishiga muhtoj yolg‘iz yashovchi keksalar va nogironligi bo‘lgan shaxslarga berilgan ozi-ovqat paketlari uchun tuman “Infratuzilma va ijtimoiy barqarorlik” jamg‘armasiga kelib tushgan 227 012 000 (ikki yuz yigirma yetti million o‘n ikki ming) so‘m mablag‘ni o‘tkazib berish ko‘rib chiqildi.
Natija: Olingan mahsulotlar uchun tuman “Infratuzilma va ijtimoiy barqarorlik” jamg‘armasidan mablag‘larni o‘tkazib berish masalasi deputatlar tomonidan bir ovozdan ma’qullandi va Kengashning tegishli qarori qabul qilindi.