Xalq deputatlari Boyovut tumani Kengashi deputati A. Bo‘tayev hamda Boyovut tumani Favqulodda vaziyatlar bo‘limi boshlig‘i, mayor Qarshiyev Xurshid Uzakbayevich ishtirokida tuman markazida joylashgan “Magnet” o‘quv markazida targ‘ibot tadbiri tashkil etildi.

Tadbir davomida o‘quvchilarga favqulodda vaziyatlarning oldini olish, yong‘in xavfsizligi qoidalariga rioya etish, zilzila va boshqa tabiiy ofatlar vaqtida to‘g‘ri harakat qilish bo‘yicha tushuntirish ishlari olib borildi.

Shuningdek, mutaxassislar tomonidan favqulodda holatlarda tezkor va to‘g‘ri qaror qabul qilishning ahamiyati haqida batafsil ma’lumot berilib, o‘quvchilarni qiziqtirgan savollarga atroflicha javob qaytarildi.

Tadbir yoshlar o‘rtasida xavfsizlik madaniyatini oshirish hamda favqulodda vaziyatlarda to‘g‘ri harakat qilish ko‘nikmalarini shakllantirishga xizmat qildi.