Boyovut tumani tajribasi asosida ishlab chiqilgan “Yo‘l xarita” hamda uning doirasida “Tumanda xizmatlar sohasini rivojlantirish” yo‘nalishida belgilangan vazifalar ijrosi yuzasidan deputat S. Kuldashov tomonidan o‘rganish ishlari olib borildi.

Xususan, “Yo‘l xarita”ning 25-bandida belgilangan “Markaz” mahallasi hududida 2,4 gektar yer maydonida davlat-xususiy sheriklik asosida zamonaviy va ko‘ngilochar istirohat bog‘ini tashkil etish ishlari joyiga chiqqan holda o‘rganildi.

O‘rganish davomida hududda amalga oshirilayotgan qurilish va obodonlashtirish ishlari tizimli ravishda olib borilayotgani, belgilangan vazifalar ijrosi ta’minlanayotgani hamda loyiha doirasidagi ishlar izchil davom ettirilayotgani qayd etildi.

Shuningdek, mazkur loyiha hudud infratuzilmasini yaxshilash, аholigа zamonaviy dam olish maskanini yaratish hamda xizmatlar sohasini yanada rivojlantirishga xizmat qilishi ta’kidlandi.