Jalaquduq tumanida “og‘ir” toifaga kiruvchi mahallalarni har tomonlama qo‘llab-quvvatlash va rivojlantirish ishlari izchil davom etmoqda. O‘zbekiston Respublikasi Prezidentining 2026-yil 5-fevraldagi PQ-49-sonli hamda 2025-yil 8-oktabrdagi PQ-298-sonli qarorlari ijrosi yuzasidan “A.Raxmonov” MFYda amalga oshirilayotgan ishlar o‘rganildi. Jumladan, aholi turmush sharoitini yaxshilash, muhandislik-kommunikatsiya tarmoqlarini takomillashtirish, tadbirkorlikni rivojlantirish va yangi ish o‘rinlari yaratish borasidagi ishlar joyiga chiqqan
holda ko‘zdan kechirildi. O‘rganish jarayonlarida Xalq deputatlari Jalaquduq tuman Kengashi raisi Sh.Xaytaxunov, tuman Kengashi kotibiyati mudiri I.Jo‘rayev hamda doimiy komissiya raisi E.Kurbonov ishtirok etib, mahalladagi mavjud muammolar va aholi murojaatlari yuzasidan tegishli mas’ullarga amaliy ko‘rsatmalar berildi.