ФУҚАРОЛАР МУРОЖААТЛАРИ ЭЪТИБОР МАРКАЗИДА

Бугун туман ҳокими, Халқ депутатлари Янгиқўрғон туман Кенгаши депутати Нажмиддинов Асадулла Икромович навбатдаги фуқаролар қабули ўтказилди.

Қабул жараёнида аҳолининг турли соҳаларга оид мурожаатлари тингланиб, ҳар бир масалага алоҳида эътибор қаратилди. Хусусан, фуқаролар томонидан ишга жойлашиш, таълим контрактини тўлашда амалий ёрдам кўрсатиш, уй-жой қуриш ва таъмирлаш, соғлигини тиклаш, дори-дармон билан таъминлаш, уй-жой кадастрини расмийлаштириш ҳамда моддий ёрдам ажратиш масалалари кўтарилди.

Мурожаатлар юзасидан масъул ташкилот ва идоралар раҳбарлари иштирокида жойида муҳокамалар ўтказилиб, тезкор ҳал этиш имконияти мавжуд бўлган масалалар шу ернинг ўзида ижобий ҳал этилди. Қўшимча ўрганиш ва вақт талаб қиладиган мурожаатлар бўйича эса аниқ муддатлар белгилаб олиниб, уларнинг ижроси қатъий назоратга олинди.

Қабул давомида ҳар бир фуқаронинг мурожаатига бефарқ бўлмаслик, уларни қийнаётган муаммоларни чуқур ўрганиш ва адолатли ечим топиш устувор вазифа сифатида белгиланди. Шу билан бирга, мутасадди ташкилотлар раҳбарларига аҳоли билан ишлашда масъулиятни янада кучайтириш, мурожаатларни ўз вақтида кўриб чиқиш ва қонуний асосда ҳал этиш юзасидан тегишли кўрсатмалар берилди.

Фуқароларнинг муаммоларини ўз вақтида бартараф этиш, уларнинг турмуш шароитини яхшилаш ва давлат органларига бўлган ишончини мустаҳкамлаш борасида амалий ишлар изчил давом эттирилмоқда.