Murojaatda mahalla raisi X. Tursunqulov boshchiligidagi faollar tomonidan Lolazor mahallasining Usta Quli ko‘chasida olib borilgan yo‘l qurilish ishlari natijasida ushbu ko‘chada joylashgan 22-xonadon piyodalar yo‘lakchasiga 3 metr chiqib ketgani sababli mazkur xonadon “snos”ga tushgani hamda shahar hokimligi balansiga olingani ma’lum qilingan.

Shuningdek, murojaatda mahalla markazi binosining eskirganligi bois, mahalla “yettiligi” a’zolari o‘z faoliyatini tor va noqulay sharoitda, bitta xonada olib borishga majbur bo‘layotgani qayd etilgan.

 Shu munosabat bilan murojaatchilar tomonidan mazkur 22-xonadonning qolgan qismini vaqtincha mahalla ehtiyojlari uchun foydalanishga ruxsat berish masalasi ko‘tarilgan.

 Deputat tomonidan mazkur murojaat tegishli tartibda o‘rganilib, mutasaddi tashkilotlar bilan hamkorlikda qonuniy yechim topish bo‘yicha choralar ko‘riladi.