Xalq deputatlari Parkent tuman Kengashiga 15-Beshkappa saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna hamda Xalq deputatlari Parkent tuman Kengashiga 13-Istiqbol saylov okrugidan saylangan deputat Mahmudova Baxtinisa Zuxriddinovnalar tomonidan tumanimizdagi “Navro`z” nomli 11-DMTT da bolalar ovqatlanishi sifati va uning samaradorligini oshirishga qaratilgan jamoatchilik nazorati o‘tkazildi. Tadbirda Vazirlar Mahkamasining davlat maktabgacha ta’lim muassasalarida sog‘lom ovqatlantirish tizimini takomillashtirishga oid qarori ijrosi doirasida maktabgacha ta’lim tashkilotlaridagi sharoitlar, mahsulotlar sifatini nazorat qilish tizimi hamda oshxona jihozlarining holatini o‘rgandi. O‘rganishlar davomida bog‘chada sanitariya talablariga to‘liq rioya etilayotgani, mahsulotlarni saqlash va taqdim etish qoidalariga amal qilinayotgani, menyularda ozuqa moddalari miqdorining me’yordaligi aniqlandi. Shuningdek deputatlar kuz–qish mavsumiga tayyorgarlik ishlari bilan yaqindan tanishib mutasaddilarga aniq tavsiya va ko‘rsatmalar berdi. Tadbir yakunida deputatlar tomonidan bolalar sog‘lom rivojlanishi uchun har bir bog‘chada taom sifati, oziq-ovqat xavfsizligi va oshpazlar malakasi doimiy nazoratda bo‘lishi lozim aytildi.