Jazirama va sovuqda qulaylik: Bog‘chaga konditsioner sovg‘a qilindi 

Bolajonlar uchun qulay sharoit yaratish — eng xayrli ishlardan biri.
12-Saidabod saylov okrugi deputati N.Ubaydullayeva tashabbusi bilan Saidobod
MFYdagi 19-sonli maktabgacha ta’lim tashkilotiga ana shunday ezgu ish amalga
oshirildi. 

Deputat tomonidan jalb etilgan homiylar ko‘magida muassasaga zamonaviy
konditsioner o‘rnatib berildi. Endilikda bog‘cha tarbiyalanuvchilari har qanday
ob-havo sharoitida ham shinam va qulay xonalarda ta’lim-tarbiya olishadi. 

"Bizning maqsadimiz — farzandlarimizning kamol topishi uchun
mahallaning o‘zida barcha imkoniyatlarni yaratish," — deydi
N.Ubaydullayeva. 

Xalq vakilining bu kabi tashabbuslari hududdagi ijtimoiy soha obyektlarini
qo‘llab-quvvatlashda davom etmoqda.