Депутат Елёр Душамов Шовот туманида жойлашган “Euroteks” масъулияти чекланган жамиятида ўз сайловчилари билан учрашув ўтказди.

Учрашувда корхона раҳбарияти ва меҳнат жамоаси вакиллари иштирок этди. Очиқ ва самимий мулоқот тарзида ўтган тадбир давомида депутат томонидан ҳудудни ижтимоий-иқтисодий ривожлантириш, аҳоли бандлигини таъминлаш, иш ўринларини кўпайтириш, меҳнат шароитларини яхшилаш ҳамда аҳолини ижтимоий қўллаб-қувватлаш борасида амалга оширилаётган ишлар ҳақида маълумот берилди.

Шунингдек, сайловчилар томонидан кўтарилган масалалар, таклиф ва мулоҳазалар диққат билан тингланиб, уларнинг ечими юзасидан тегишли чора-тадбирлар белгилаб олинди. Айрим мурожаатлар депутат назоратига олинди.

Учрашув якунида бундай мулоқотлар аҳоли билан доимий алоқани таъминлаш, жойларда мавжуд муаммоларни ўз вақтида аниқлаш ва ҳал этишда муҳим аҳамият касб этиши таъкидланди.

t.me/shovot_tumani_kengashi