Xalq deputatlari Shovot tumani Kengashi deputati Ismailov Xursand Baltabayevich tomonidan saylovchilar bilan navbatdagi uchrashuv tashkil etildi. Uchrashuv mehnat jamoasi ishtirokida o‘tkazilib, unda asosan xotin-qizlar, mahalla faollari hamda jamoatchilik vakillari qatnashdi.

Uchrashuv davomida deputat tomonidan aholini qiynayotgan ijtimoiy masalalar, xususan, mehnat sharoitlari, ijtimoiy himoya, bandlik, sog‘liqni saqlash hamda kundalik turmush bilan bog‘liq muammolar muhokama qilindi. Saylovchilar o‘zlarini qiziqtirgan savollar bilan murojaat qilib, mavjud muammolar bo‘yicha taklif va mulohazalarini bildirdilar.

Ismailov Xursand Baltabayevich har bir murojaatni diqqat bilan tinglab, qonun doirasida hal etish, tegishli tashkilotlar bilan hamkorlikda amaliy choralar ko‘rish yuzasidan tushunchalar berdi. Shuningdek, ayrim masalalar shaxsiy nazoratga olinishi ta’kidlandi.

Uchrashuv ochiq va samimiy ruhda o‘tib, saylovchilar deputat bilan bevosita muloqot qilish imkoniyatiga ega bo‘ldilar. Tadbir yakunida aholi bunday uchrashuvlar joylardagi muammolarni hal etishda muhim ahamiyat kasb etishini ta’kidlab, minnatdorlik bildirdilar.

Xalq deputatlari Shovot tumani Kengashi bosh mutaxassisi U.Ruzmetov