Muzrabot tumani hokimi, xalq deputatlari tuman Kengashi raisi - Abdulla Mamatqulov va tuman Kengashi deputati D.Sherboyevlar tumanning Bodomzor mahallasida joylashgan 30-sonli umumta’lim maktabida Tashabbusli budjet dasturi doirasida amalga oshirilayotgan qurilish ishlari bilan tanishdi.

Mazkur loyiha asosida 1 milliard 483 million so‘m mablag‘ evaziga qo‘shimcha o‘quv binosi hamda zamonaviy kutubxona barpo
etilmoqda. Hozirgi kunda obyekt hududida poydevor quyish ishlari yakunlanib, g‘isht terish ishlari jadal sur’atlarda olib borilmoqda.

Qurilish jarayonlari ko‘zdan kechirilar ekan, quruvchi tashkilot rahbariga ishlarni belgilangan loyiha-smeta hujjatlari, qurilish
me’yorlari va sifat talablari asosida amalga oshirish bo‘yicha tegishli topshiriqlar berildi. Shuningdek, deputatlar maktabning mavjud eski binosida isitish tizimlarining holatini ham o‘rganib, aniqlangan kamchiliklarni bartaraf etish yuzasidan mas’ullarga zarur ko‘rsatmalar berdilar.