Májiliste partiya deputatlıq toparınıń aǵzaları, rayonlıq salıq inspekciyasınıń basshıları, tiyisli shólkemler hám jergilikli isbilermenler qatnastı. Esitiw kún tártibine muwapıq, Bozataw rayonı salıq inspekciyası bólimi baslıǵınıń 2025-jıldıń 12 ay dawamında ámelge asırılǵan jumıslar hám isbilermenlikti qollap-quwatlaw boyınsha esabatı tıńlandı. 

Atap aytqanda, byudjet dáramatlarına 2025 jıl ushın belgilengen 3 mlrd. 766 mln.swm prognoz kórsetkishi jıl juwmaǵı menen 4 mlrd. 16 mln.swmǵa (107 payızǵa) orınlanıp, byudjetke qosımsha 251 mln.swm túsim táminlendi. 

Mámleket byudjetine túsimler 2024 jılǵa salıstırǵanda 111 payızǵa, yaǵnıy 385 mln.swmǵa ósim boldı. (Maǵlıumat ushın 2024 jıl 3 632 mln.swm túsim táminlengen) Sonnan: 

Aylanbadan alınatuǵın salıǵına 613,2 mln.swm; 

Jer salıǵına 1 822,0 mln.swm; 

Sonnan, fizikalıq tárepler esabınan 1 732,5 mln.swm, yuridikalıq tárepler esabınan 89,5 mln.swm. 

Mal-mulk salıǵına 527,8 mln.swm; 

Sonnan, fizikalıq tárepler esabınan 494,5 mln.swm, yuridikalıq tárepler esabınan 33,3 mln.swm. 

Fizikalıq táreplerdiń Dáramat salıǵınan 460,4 mln.swm; 

Jeke tártiptegi isbilermenlerdiń birden-bir salıǵınan 62,4 mln.swm; 

Suw resurslarınan paydalanǵanlıq ushın salıǵınan 320,1 mln.swm óndiriw táminlendi. 

Deputatlıq esitiwde ÓzLiDeP deputatları esabat nátiyjelerin tallap, isbilermenlikti qollap-quwatlaw, salıq tólewshiler ushın qolaylı sharayat jaratıw, profilaktika jumısların kúsheytiw hám salıq hákimshiligin sanlastırıw arqalı bul kórsetkishlerdi jaqsılaw boyınsha usınıslar alǵa qoyıldı. 

Májilis juwmaǵında ÓzLiDeP deputatlıq toparı tárepinen salıq uyımları iskerliginiń nátiyjeliligin arttırıw, isbilermenlerdiń huqıqları menen máplerin qorǵaw hám aymaqlıq byudjet turaqlılıǵın támiyinlew boyınsha anıq usınıslar berildi. Partiyanıń Bozataw rayonlıq Keńesindegi deputatlıq toparı usı máseleler boyınsha tiyisli shólkemler menen birgelikte turaqlı deputatlıq qadaǵalawdı ámelge asırıwı belgilendi.