Joriy yilning 26-dekabr kuni O‘zbekiston Respublikasi Prezidenti Shavkat Mirziyoyevning aholiga yo‘llagan Murojaatnomasi mazmun-mohiyatini keng targ‘ib etish maqsadida Chinoz tumanidagi 2-umumta’lim maktabida seminar bo‘lib o‘tdi.

⚡️ Mazkur tadbirda Xalq deputatlari Chinoz tumani Kengashi deputati Ra’no Fozilova ishtirok etdi. Seminar jarayonida Murojaatnomada belgilangan ustuvor vazifalar, mamlakatimiz taraqqiyotining yangi bosqichiga qaratilgan islohotlar, shuningdek ta’lim sohasida amalga oshirilishi lozim bo‘lgan muhim yo‘nalishlar haqida fikr yuritildi.

Shu bilan birga, ta’lim muassasalarida sog‘lom ma’naviy-ma’rifiy muhitni mustahkamlash masalalariga alohida e’tibor qaratilib, ushbu yo‘nalishdagi vazifalar yuzasidan tushunchalar berildi.