Chiqindilarni o‘z vaqtida olib chiqish masalasi muhokama qilindi 

 Chiqindilarni o‘z vaqtida olib chiqish hamda mahalla hududida sanitariya holatini yaxshilash masalalari doimiy
e’tiborda. Shu maqsadda 15-Faydabod saylov okrugi deputati D. Komilova Mahalla
fuqarolar yig‘ini raisi bilan uchrashuv o‘tkazdi. 

Suhbat davomida chiqindilarni yig‘ish va olib chiqishning amaldagi holati,
ushbu yo‘nalishdagi mavjud muammolar hamda aholidan kelib tushayotgan
murojaatlar muhokama qilindi. Shuningdek, chiqindilarni belgilangan jadval
asosida olib chiqish, mas’ul tashkilotlar bilan hamkorlikni yanada kuchaytirish
masalalariga alohida e’tibor qaratildi. 

Uchrashuv yakunida deputat D. Komilova mazkur masala aholi salomatligi va
atrof-muhit tozaligi uchun muhim ahamiyatga ega ekanini ta’kidlab, uni doimiy
nazoratda ushlash bo‘yicha tegishli taklif va tavsiyalar bildirdi.