Olmazor tumani "Yuqori Sebzor" mahalla fuqarolar yig‘inida xalq deputatlari Olmazor tumani Kengashi raisi Sh.Umarxodjayeva va kotibiyat mudiri D.Raxmatullayevlar ishtirokida MFY yettiligi a’zolari bilan navbatdagi uchrashuv tashkil etildi. Uchrashuv doirasida davra suhbati shaklida ochiq va konstruktiv muloqot olib borildi.

Davra suhbatida mahallaga kelib tushgan murojaatlar atroflicha o‘rganilib, ularning mazmun-mohiyati muhokama qilindi. Jumladan, aholini ijtimoiy qo‘llab-quvvatlash, kommunal xizmatlar sifati hamda fuqarolarni qiynayotgan dolzarb masalalar yuzasidan bildirilgan taklif va murojaatlar tahlil qilindi.

Shuningdek, murojaatlarning ijrosi yuzasidan aniq muddatlar belgilanishi, nazoratni kuchaytirish hamda aholining muammolariga o‘z vaqtida yechim topish masalalariga alohida e’tibor qaratildi.

Uchrashuv yakunida fuqarolar bilan doimiy muloqotni yo‘lga qo‘yish, mahalladagi muammolarni joyida o‘rganish va ularni bosqichma-bosqich hal etish bo‘yicha kelishuvga erishildi