Deputat D. Komilova 20-sonli MTMda isitish tizimi holatini o‘rgandi 

15-Fayzabod okrugidan saylangan deputat D.Komilova kuz-qish mavsumida hududdagi ijtimoiy
obyektlar holatini o‘rganish maqsadida 20-sonli maktabgacha ta’lim muassasida
bo‘ldi. Tashrif davomida deputat muassasaning isitish tizimi qay darajada
ishlayotgani, bolalar uchun yaratilgan sharoitlar va qish mavsumiga
tayyorgarlik holati bilan yaqindan tanishdi. 

O‘rganish jarayonida isitish tizimining texnik holati, xonalardagi harorat meyori hamda
xavfsizlik talablariga rioya etilishiga alohida e’tibor qaratildi. Muassasa
ma’muriyati bilan suhbatda mavjud muammolar va ularni bartaraf etish bo‘yicha
takliflar muhokama qilindi. 

Deputat D. Komilova bolalar sog‘lom va iliq muhitda tarbiyalanishi ustuvor vazifa ekanini
ta’kidladi.