2026-jıl 8-yanvar kúni 13-sanlı mektep imaratında Xalıq deputatları rayonlıq Keńes deputatı K.Ibadullaevtıń qatnasıwında ilaj bolıp ótti.

Ilajda húrmetli prezidentimiz múrájatında mámleketimizdi rawajlandırıw, xalıqtıń turmıs dárejesin arttırıw, kámbaǵallıqtı qısqartıw, isbilermenlikti qollap-quwatlaw, bilimlendiriw hám densawlıqtı saqlaw tarawındaǵı reformalar haqqında maǵlıwmat berildi.

Sonday aq mektep jámáátine múrájatta belgilep berilgen wazıypalar jergilikli dárejede ámelge asırılıwı, bul processte puqaralardıń belsene qatnasıwı zárúr ekenligin atap ótti.

Ilaj ashıqtan-ashıq sóylesiw ruwxında ótti hám bunday úgit-násiyat ushırasıwı xalıqtıń sanasında reformalardıń mazmun-mánisin ańlaw, Prezident múrájatında belgilep berilgen wazıypanıń orınlanıwında jámietlik qadaǵalawdı kúsheytiw, puqaralardıń belsendiligin arttırıwǵa xızmet etedi.