2026-yil 8-yanvar kuni Guliston shahar Kengashi deputati M.Bektasheva tomonidan Madaniyat mahallasi yettiligi va saylovchilar ishtirokida mamlakatimizda muhim siyosiy voqea — O‘zbekiston Respublikasi Prezidentining Oliy Majlis va xalqimizga yo‘llagan Murojaatnomasi mazmun-mohiyatiga bag‘ishlangan uchrashuv o‘tkazildi.

Uchrashuv davomida Prezidentimiz o‘z nutqlarida ta’lim sohasiga alohida urg‘u berganliklari, ushbu soha davlat siyosati darajasida ustuvor yo‘nalish sifatida belgilanganini ta’kidladilar. Davlatimiz rahbari ta’limni mamlakat taraqqiyoti, iqtisodiy o‘sish va jamiyat barqarorligining eng asosiy omili sifatida qayd etdilar.

Shuningdek, ta’lim inson kapitalini rivojlantiruvchi va shakllantiruvchi hal qiluvchi soha ekanligi alohida ta’kidlandi. Prezidentimiz sifatli ta’lim orqali bilimli, raqobatbardosh va zamonaviy fikrlaydigan avlodni tarbiyalash mumkinligini qayd etdilar.

Murojaatnomada ta’lim tizimini injeneriya va raqamli iqtisodiyotga yo‘naltirish, injenerlik tafakkurini rivojlantirish, raqamli iqtisodiyot uchun malakali kadrlar tayyorlash masalalariga ham alohida e’tibor qaratildi. Jumladan, IT, dasturlash, sun’iy intellekt va zamonaviy texnologiyalar sohalariga moslashtirilgan ta’limni rivojlantirish bugungi kunning muhim vazifasi ekani ta’kidlandi.

Uchrashuv yakunida ishtirokchilar tomonidan Prezidentimiz Murojaatnomasida belgilangan ustuvor vazifalarning joylarda izchil amalga oshirilishi yosh avlod tarbiyasi va mamlakatimiz kelajagi uchun muhim ahamiyat kasb etishi ta’kidlandi.