Yurtimiz tarixida muhim siyosiy voqelik — Yurtboshimiz tomonidan Oliy Majlis va xalqimizga navbatdagi Murojaatnoma yo`llandi. Ushbu Murojaatnomada bayon etilgan ustuvor yo`nalishlar, islohotlar va
strategik vazifalar mamlakatimizning bugungi taraqqiyotini yanada jadallashtirish, kelajak avlod uchun mustahkam poydevor yaratishga qaratilgani bilan alohida ahamiyat kasb etadi. 

Murojaatnomada ilgari surilgan g`oya va tashabbuslar hayotimizdagi barcha sohalarni, jumladan, ta`lim tizimini, ayniqsa maktabgacha ta`lim sohasini yanada rivojlantirishga xizmat qiladi. Unda ta`lim sifatini
oshirish, bolalar tarbiyasiga zamonaviy yondashuvlarni joriy etish, pedagog kadrlar salohiyatini yuksaltirish masalalari muhim vazifa sifatida belgilab berilgan. Mazkur dolzarb masalalarni joylarda keng targ`ib
etish maqsadida Xalq deputatlari Jalaquduq tuman Kengashi deputati O.Xolmurodova tomonidan davra suhbatlari tashkil etilmoqda. Navbatdagi bunday tadbir maktabgacha ta`lim tashkilotlari uslubchilari ishtirokida o`tkazildi. Davra suhbati davomida Murojaatnomada belgilangan vazifalarning mazmun-mohiyati, ularni amaliyotga tatbiq etish mexanizmlari, shuningdek, maktabgacha ta`lim tizimida amalga oshirilishi lozim bo`lgan ustuvor yo`nalishlar xususida atroflicha fikr almashildi. Ishtirokchilar o`z
taklif va mulohazalarini bildirib, sohadagi islohotlarni yanada samarali tashkil etish bo`yicha fikrlarini o`rtoqlashdilar. Bunday tadbirlar aholining, xususan, ta`lim sohasi vakillarining siyosiy-huquqiy ongini yuksaltirish, Murojaatnomada belgilab berilgan vazifalarni hayotga tatbiq etishda faollikni oshirishga xizmat qiladi.