O‘zbekiston Prezidenti tomonidan joylardagi rahbarlar zimmasiga xotin-qizlarni har tomonlama qo‘llab-quvvatlash, ularning jamiyatdagi o‘rni va nufuzini yanada mustahkamlash bo‘yicha muhim vazifalar yuklatilgan.

Mazkur topshiriq ijrosini ta’minlash maqsadida Mirobod tumanida xotin-qizlarni qo‘llab-quvvatlash, og‘ir vaziyatga tushib qolgan fuqarolarga ko‘maklashish hamda ularning muammolarini tizimli hal etish borasida izchil ishlar amalga oshirilmoqda.

Konstitutsiya bayrami arafasida uzoq yillar davomida og‘ir sharoitda kun kechirgan ikki oilaning hayotida yangi sahifa ochildi.

Tuman hokimi Anvar Sayfutdinov, tuman prokurori Bobur Abdullayev va Xalq deputatlari Mirobod tuman Kengash kotibiyat mudiri Avaz Karimov tomonidan:

🔵 Ko‘zi ojiz, 1-guruh nogironi, 2 nafar farzandi bor, boquvchisini yo‘qotgan Muxayyo Ergashevaga,

🔵shuningdek, turmush o‘rtog‘i afg‘on urushi qatnashchisi bo‘lgan, 2-guruh nogironi Gulnora Nazarovaga Mirobod tumanida joylashgan yangi ikki xonali xonadonlar kalitlari tantanali tarzda topshirildi.

Tuman hokimligi xonadon egalariga yangi uylar kalitlarini topshirar ekan, ularga bundan buyon farovon va tinch hayot kechirishlarini tiladi.