Sessiya ishida Xalq deputatlari Termiz shahar Kengashi deputatlari, shahar hokimining tarmoqlar bo‘yicha o‘rinbosarlari, kengash kotibiyati, mahalla xodimlari, huquqni muhofaza qiluvchi organlar hamda tegishli tashkilot va korxonalar rahbarlari ishtirok etishdi.
Kun tartibidan o‘rin olgan 12 ta masala muhokama qilinib, tegishli qarorlar qabul qilindi. Har bir masala yuzasidan mas’ullar hisobot berib, deputatlar o‘z taklif va mulohazalarini bildirishdi.
Sessiya davomida Termiz shahar prokurori o’rinbosari K.Xazratqulov ham so‘zga chiqib, yo‘riqnomani 18-bandi asosida hududiy prokurorlar va ichki ishlar organlari rahbarlari har oy OAV orqali aholiga profilaktik-ogohlantiruv murojaati qilishlari, har chorakda kriminogen vaziyat va jinoyatlarning oldini olish choralari bo‘yicha Xalq deputatlari kengashiga axborot berishlari, shuningdek, hokimlar bilan hamkorlikda mahallalarda vaziyatni yaxshilash yuzasidan aniq choralar belgilashlari zarurligini ta’kidladi.
Shuningdek, jinoyatchilikka qarshi kurashda mahalla tizimi, profilaktika inspektorlari va fuqarolarning o‘zaro hamkorligini kuchaytirish muhimligi qayd etildi.