Jamiyatimizda xotin-qizlarni qo‘llab-quvvatlash, ularning huquqini himoya qilish, ijtimoiy, iqtisodiy va siyosiy faolligini oshirish, bandligiga ko‘maklashish va umuman tadbirkorlikni rivojlantirishga qaratilgan tadbirlar keng ko‘lamda amalga oshirilmoqda. Bugungi kunda mamlakatimiz ayollari biznes sohasida ham tobora faollashib, davlatning ijtimoiy-iqtisodiy rivojlanishida muhim rol o‘ynamoqda, iqtisodiyot o‘sishiga hissa qo‘shmoqda. Yangi ish o‘rinlari tashkil qilish, iqtisodiy o‘sish va farovonlikni oshirish nuqtai nazaridan ayollarning milliy iqtisodiyotimizga qo‘shayotgan hissasi nihoyatda bebaho. Bekobod shahrida ham aholi bandligini ta’minlashga alohida e’tibor qaratilmoqda. Xalq deputatlari Bekobod shahar Kengashi kotibiyati mudiri X.Ibragimova, deputat K.Muxitdinova hamda shahar Oila va xotin-qizlar bo‘limi boshlig‘i, hokim o‘rinbosari A.To‘raqulova bilan birgalikda xotin-qizlarning tadbirkorlik g‘oyalarini amalga oshirish, ular faoliyatiga kredit, subsidiya va boshqa yordam choralarini jalb qilish bo‘yicha, “Xotin-qizlarga ko‘mak” loyihasi asosida shahardagi tadbirkorlik bilan shug‘ullanayotgan ayollar faoliyati bilan yaqindan tanishdi. Ularga huquqiy maslahat va ko‘rsatmalar berib o‘tdilar.