O‘zbekiston Respublikasi Prezidentining 2020-yil 20-oktabrdagi “Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi PF-6084-sonli Farmoni bilan tasdiqlangan “2020–2030-yillarda o‘zbek tilini rivojlantirish va til siyosatini takomillashtirish konsepsiyasi” ijrosini ta’minlash maqsadida tuman hokimligi hamda Xalq deputatlari Pastdarg'om tuman Kengashi tomonidan “Men buyuklarga munosib avlod bo‘laman!” shiori ostida savodxonlik aksiyasi tashkil etildi.

Mazkur tadbirda tumandagi mahallalar yoshlar yetakchilari ishtirok etdi. Tadbir davomida ularning savodxonligini oshirish maqsadida diktant yozdirildi. Shundan so‘ng mahalla yoshlari oldida turgan ustuvor vazifalar, talablar hamda dolzarb masalalar yuzasidan mas’ul mutasaddilar tomonidan tushunchalar berilib, tegishli tavsiyalar ilgari surildi. Yoshlar yetakchilar taklif va fikr-mulohazalari tinglandi.